مستغانم كوم
هذه الرسالة تفيد بأنك غير مسجل
ويسعدنا كثيرا انضمامك لنا..

شاطر
اذهب الى الأسفل
avatar
النورس
مشرف منتدى الطبخ و الأناشيد
مشرف منتدى الطبخ و الأناشيد
عدد الرسائل : 1667
العمر : 23
الموقع : mostaghanem.com
الأوسمة :
البلد :
نقاط : 2465
السٌّمعَة : 37
تاريخ التسجيل : 03/06/2008

طريقة اعداد القهوة العربية الملكية

في الجمعة 04 يوليو 2008, 13:58
الطريقة:

1 حطي قوري القهوة على النار الى ان يغلى ( مقدار الماء النصف فقط يعنى فوق الدائرة الداخلية مالت سكب القهوة بشويه لما تطالعين داخل القوري / الابريق )


2 لما يغلى الماي حطى القهوة فنجان مثل ماهو بالصورة وخليها تفوح فوحتين وانت عندها وبعدين قصري عليها وخليها عالنار 15 دقيقه بعدها طفى الجوله ونطري 5 دقايق تركد القهوه وشيليها بشويش ولا تخضين القوري عشان ما تعكر قهوتك


3 طبعا قبل لا تزلينها تكونين حاطة قفشه كبيرة هيل متروسه + ملعقة حوس زعفران + ملعقة حوس كوفي ميت اذا تحبين تغيرين لون القهوة + اذا تحبين المسمار نصف ملعقة حوس صغيرة + نتفة زنجبيل طازج ( طبعا هذيلى كلهم بالمطارة وتالى تصبين القهوة عليها وخليها 5 دقايق وتقهوى عليك بالعافية



ملاحظة :

القهوة النيباريه انواع :
رقم 1= خفيفه
رقم 2= بنيه
رقم 3= غامجه
رقم4= السوده
اللي يبيعون البن يعرفون هالشي
وأحيانا يسويلج الخلطه من عنده يعرفونها



طريقه اخرى ايضا لصنع القهوة ... واللي كثير من القبايل تتبعها

الطريقة :


خلطي فنجان من القهوة مع (( الزعفران / الشيبة/ المسمار /مع شويه هيل))
وتغلى على نار هاديه مدة ربع ساعه
الحين بالدلة حكي حبة مستكه
2 ملعقة صغيرة هيل
شويه زعفران
بعد ماتغلي زلي القهوة بالدلة مع رج الدلة شويه لتخلط المواد
ملاحظه إذا للحريم حطي ملعقة كوفي ميت
وإذا للرجال ما يحبونه
وشربي الفنجان بالعافيه
بالعافيه



وبالنسبة لجوده المواد المستعملة :

القهوة
نوع القهوة له دور كبير في طعم القهوة
وافضل نوع القهوة البرية
ثم القهوة الخولانية
ثم البن الهرري
***
من اسباب رداءة القهوة هو شراؤها جاهزة محموسه ومطحونه من العطارة او المحامص والمطاحن والسبب انه ممكن تكون قديمة عنده فبالتالي ماتطلع تمام
والشي الثاني المطاحن اللي يستعملونها يطحنون فيها كللل شي وهذا يأثر طبعا على جودة القهوة
<<< طيب والمطلوب؟
المطلوب انك تشترينها نية وانت تنظفينها و تحمسينها في البيت وتطحنينها
ولازم تراعين مساله مهمة في الطحن وهي انك ماتطحنين كمية كبيرة
اطحني كمية تكفيك من 4 ايام الى اسبوع بالكثير
لان طعم القهوة اللي مطحونة اليوم يختلف عن طعم القهوة اللي مطحونة من شهر
(وهذا شي معروف وراح تلاحظينه)
اضافة الى ان المحلات ماتراعي نظافة القهوة وهذا الشي اللي انت راح تراعينه
في تنظيف القهوة
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى